FC Barcelona ka nisur negociatat e avancuara me Fermín Lopez për të rinovuar kontratën e tij.

Sipas asaj që raportohet në media, pritet që marrëveshja të mbyllet shumë shpejt madje mund të ndodhë që brenda javës së ardhshme, shkruan Arbresh.info.

Kontrata pritet të jetë të afatgjatë dhe me rritje të ndjeshme të pagës dhe bonuse të lidhura me performancën.

22-vjeçari ka qenë një nga lojtarët më të dalluar këtë sezon, duke shënuar dhe krijuar gola, dhe konsiderohet si pjesë kyçe e planeve afatgjata të Barcelonës nën drejtimin e trajnerit Hansi Flick dhe drejtorit sportiv Deco.

Në vitin e kaluar, Chelsea kishte shfaqur interes për Lopez, duke ofruar disa herë mbi 40 milionë euro, por të gjitha ofertat u refuzuan nga Barcelona.

Klubi ishte i vendosur që mesfushori të mos shitej, dhe Lopez zgjodhi të qëndrojë, duke treguar përkushtimin e tij ndaj projektit të klubit.

Ai këtë edicion në 25 ndeshje të luajtura ka shënuar 10 gola dhe ka dhuruar edhe 10 asistime./Arbresh.info